下月生日！Judas Law冇諗過收另一半驚喜

歌手羅凱鈴（Judas）舉行直播音樂節目，透露現時努力寫歌，問到可趕得切今年出EP？她表示：「仲差啲，今年未必出到，要加把勁作歌先。（今年有咩大計？）主要做好創作先，因為啱啱先掂創作。（唔試埋填詞？）有試過，但覺得填啲詞唔夠靚同專業。」

講到下月6日25歲生日，她表示會提早與歌迷慶祝，問到正日可是與另一半度過？她表示：「冇諗，覺得工作為主，如果正日有工作會做咗先。（想佢畀驚喜你？）冇諗。（你哋興唔興驚喜？）不嬲都好平淡過。」