林子博父子合演舞台劇　慶祝囝囝10歲生日

無綫娛樂主播林子博暑假將與囝囝林卓楠合作演出音樂劇《童話．兒童的心底話》，演出期間剛巧遇上卓楠10歲生日，今次演出可謂別具意義！子博謂：「今次同場演出仲有好戲之人陳國邦同羅敏莊，應該幾好玩。其實當年我入行都係因為演出舞台劇開始嘅，好記得冇耐我就跟另一劇團到台北演出一個關於同性戀嘅故事，當年嚟講都算前衞呀，情景歷歷在目。而今次我就扮演老師，仲係首次喺台上又唱又跳，始終相隔咗20年冇踏台板，真係要好好準備。至於卓楠嘅演出就交畀佢嘅導師梁梓禧啦，因為今次連我自己都未顧得掂，哈哈！」