和好如初係假象?洪欣張丹峰機場零交流

2019年05月18日 07:50
東網電視
更多新聞短片
邊種態度先係真?

內地藝人張丹峰早前被指同經理人畢瀅過從甚密,因而傳出同洪欣嘅婚姻出現危機,最終經理人離職平息風波,之後兩公婆一齊出席婚宴,佢哋仲合唱情歌兼笑晒口搭住膊頭影相,睇嚟都應該係和好如初!不過尋晚有網民喺機場撞到佢哋同囡囡,話佢哋全程零交流,個感覺似唔識多過似兩公婆。

網民留言大讚洪欣素顏一樣咁靚,瘦得嚟皮膚又白好有氣質,完全唔似已經48歲兼生過小朋友,佢話觀察咗一段時間,完全見唔到洪欣同張丹峰有對話,而且當張丹峰去辦理手續時,洪欣就耷低頭專心打機冇理過老公。睇番喺機場啲相,張丹峯推住行李車,而囡囡張晞彤就坐喺行李篋上面畀洪欣推住行,佢哋雖然係同行但隔咗一段距離,網民大嘆話已經見唔到佢哋以前恩愛嘅影子。