無懼再次走光　Bella Hadid騷長腿襲康城

每年嘅康城影展，世界各地嘅女星都會盛裝上陣畀最靚一面大家睇，有天賦本錢嘅仲會騷性感，近年去得最盡嘅都要數索模Bella Hadid，三年前佢身穿吊帶低胸高衩長裙現身，除咗「胸」光畢露外，超級長腿好吸睛可謂驚艷全場，不過喺上樓梯時失手擘開隻腳搞到走光！

今年Bella Hadid重臨康城影展出席電影《Pain and Glory》嘅首映禮，咁啱得咁橋佢今次都係紅裙上陣，繼續玩高衩盡騷長腿，唔知係咪吸收咗上次走光嘅經驗，今次佢大部分時間都撳住個高衩位，成功防止再次失手走光。