打邊爐預祝生日！吳若希獲朱慧敏送花勁驚喜
20190518
東網電視
更多新聞短片
吳若希獲一大班朋友同佢預祝生日。
歌手吳若希今個月23號就踏入27歲，尋晚一班老友就同佢驚喜預祝生日，當中包括藝人朱慧敏、魔術師甄澤權等，林盛斌仲帶埋老婆同四個仔女出席，當然唔少得吳若希嘅老公何兆鴻（Alex）同囡囡淼淼啦！成班人打邊爐烚吓烚吓，非常熱鬧。不過令吳若希更加驚喜嘅，就係佢第一次收到靚女送嘅花，個靚女就係朱慧敏喇！真係相當有心！而喺其中一張大合照入面，淼淼仲擺出美少女戰士嘅手勢，就算冇望鏡頭都咁搶鏡，真係盡得阿媽真傳！
----------------------------
東網巨星開咗ig喇，大家快啲follow啦！