吳鎮宇為王菀之再踏台板:令我大開眼界

2019年05月18日 14:25
東網電視
更多新聞短片
大家今次真係要好好多謝Ivana。

藝人吳鎮宇與王菀之(Ivana)出席舞台劇發布會,身兼多職的Ivana今日在台上亦擔任司儀一職,講到連劇本都由她親自翻譯,她表示總共修改了四次。問到舞台劇的投資金額?鎮宇即為Ivana解圍:「大家計一計就得,有咁多Live bands、教唱歌、排舞老師全港都數一數二,好多嘢都價值不斐。(你都係重金禮聘?)我唔辜負大家就算!」原本不打算再參演舞台劇的鎮宇,被Ivana的誠意打動,他說:「好似冇咩得着,唔係舞台劇畀唔到我,而係我想合作嘅人已經冇機會。但菀之搵我時有同佢講我想做音樂劇,我求其一句說話,菀之就拍晒心口,估唔到佢一手包辦,令我大開眼界。」

舞台劇將會進行13場公演,問到兩人會否有壓力?有舞台劇經驗的Ivana也直言好大壓力,而鎮宇則表示無有怕:「我係唔識驚嘅人,大家有冇睇《難兄難弟》呀?哈哈,到時有專人指導,只要唔好犯蠢就得。聽到啲音樂已經好興奮,喜歡一樣嘢就有熱情,我唔係被迫㗎!舞台好神奇,唔需要準備太多,圍讀完已經記得大部分台詞。」Ivana大為驚訝:「咁快!我一頁紙都未記得!」