去埋旅行!余思霆同朱敏瀚拍拖已過試用期

2019年05月18日 15:25
東網電視
更多新聞短片
睇嚟佢哋感情一日千里。

藝人余思霆為慈善節目錄影,與新歡朱敏瀚熱戀的她心情大靚,透露去年與天堂鳥成員Tyrese分手,如今與朱敏瀚相識一年半,拍拖已過試用期,問到拍拖沒多久便外遊,她撒嬌說:「之前拍劇10個月冇假放,好難得有個假,佢又得閒,今次係第一次一齊旅行。(朱媽媽都有去喎!)係呀!Auntie好nice,對我好好!(有冇催你哋快啲結婚?)冇,工作行先,我得25歲,去完旅行冇晒錢啦!(唔係男友出錢去旅行?)大家有share。」

思霆直言二人感情穩定,問到當初朱敏瀚是否獲悉她回復單身才展開追求?她笑說:「我唔知佢有冇追我,因為佢成日同我講話冇追過我,我比較笨。(咁Tyrese有冇恭喜你?)有,耐不耐都會互相問候。(你冇問佢拍拖嘅嘢?)冇傾呢啲,我真係唔知。」