【落晒閘】林作講到明想另一半係圈外人

2019年05月18日 15:40
東網電視
更多新聞短片
即係點?係咪劃緊清界線…

前大律師林作為教育展擔任講座嘉賓,他講到自己讀大學時經常缺課,問到會否擔心教壞小朋友?他坦言:「我覺得應該要畀學生自由度同開放度,否則學唔到嘢。要畀佢哋知道讀書叻唔一定要好刻板,有時啲家長教壞晒。怪獸家長好難培養到子女成材,小朋友到我呢個年紀就會反,人生會冇方向,因為冇咗個怪獸管住,事業同感情上都唔會好。」

問他在感情上豈非一帆風順?他自嘲感情向來很大問題,多年來愛情路上從不平坦,他在台上指理想的另一半要愛閱讀,問到緋聞女友裕美是否愛讀書之人?他說:「我邊敢講,我唔評論人。不過我從來未遇過另一半會閱讀。」問到之前有傳他因裕美而跟母親吵大鑊,他否認:「我同阿媽關係好似朋友咁,好好傾,唔知點解會咁寫。(媽咪有冇見過裕美?)我唔回應,尤其圈內人,好驚。我嘅理想(另一半)唔會係同圈內人,我prefer圈外人,冇咁多掣肘。」提麥明詩在遊戲節目上被郭子豪問到林作的持久力,他笑言:「我冇回應,我同郭子豪係朋友。」