楊明高海寧咀嘴　莊思明聲沙沙睇到唔舒服

藝人莊思明為慈善節目綵排，聲音沙啞的她透露近日吃太多辣食物，期間吃麻辣火鍋後更去唱K，結果一覺醒來便知「出事」：「好似變咗性咁，真係唔知點解！（有冇睇醫生？）未睇！（男友楊明認唔認得你把聲？）唔認得啦，不過今日把聲都好過尋日。」

談到男友新劇《婚姻合伙人》近日播出，思明表示也有捧場，大讚其角色有新鮮感：「佢以前做開啲角色都好嚴肅，今次就輕鬆同搞笑啲，身邊啲朋友都好鍾意佢！（睇到男友同高海寧kiss嬲到聲沙？）我有睇，拍之前高Ling（高海寧）已經同我講，不過你話完全唔『銀眼』就呃你嘅，係有少少唔舒服，不過做呢行就冇得揀。」