情慾短訊流出！許紹雄鬧爆：係網絡強姦

東網電視

許紹雄唔認微信中人係佢！

「綠葉王」許紹雄捲入桃色事件，有讀者爆料連帶微信截圖，指「許紹雄」撩女剝衫，對話內容相當露骨。對此，東網記者向許紹雄了解，問到底真有其事？

許紹雄：許　東網：東

許：呢個唔係事實，我覺得係網絡強姦囉！

東：但有個樣，頭像係你？

許：依家科技發達，點都做到出嚟啦！

東：情慾對話好大膽…

許：我都有頭有面，有人識嘅…點會咁大膽咁樣同人哋講呢啲嘢！更何況我有心無力！早前石修先同我講，佢話網上有一段流言，話佢同老婆離婚，同助手有染，好離譜囉，我當然唔信，其實網絡上嘅嘢唔可以盡信，我覺得依家好似燒到埋嚟我度咁！

東：得罪咗人？

許：我哋點會得罪人吖…喺內地做嘢，最多咪滿足唔晒啲人埋嚟影相啫，如果要全部人都影合照，我哋唔使走啦，咁算唔算得罪人呢？！

on.cc東網