朱庭萱撐姚子羚冇偷食人夫：佢係受害者！

與姚子羚份屬好友的「女廚神」朱庭萱（Bonnie），曾經演出無綫節目《我係小廚神3》，但與子羚結緣為這兩年的事，二人可謂好閨蜜，所有心事都會互相傾訴，對於今次子羚被爆「偷食人夫」，Bonnie回覆東網稱：「我作為佢好朋友，我只可以講子羚係受害者，佢唔係傳聞中拆散人哋家庭嘅人，佢唔係呢啲咁嘅女人，大家都知佢嘅形象、同性格都好好，好正面！」

據Bonnie所透露，Raymond﹑Sarika與她都屬朋友，亦知這對夫婦已分居一年多，所以強調子羚並非拆散人的女人，更指子羚認識Raymond時，男方已經跟Sarika分居：「男女分開後都可以自由拍拖啦，希望大家對子羚公平啲，唔好抹黑佢！（知子羚點解跟Raymond分手？）呢個留番佢自己講啦！」

而劉晨芝對報道表現愕然，她稱全不知情，但就力撐好友：「我識咗子羚咁多年，好清楚佢為人係點，佢絕對唔會亂嚟，而且我聽聞Raymond同佢太太已經分開咗。作為好友，我當然關心子羚。但我唔係當事人，我都唔講太多喇！」