冇搶人老公！姚子羚同Raymond拍拖半年

藝人姚子羚被指搭上有婦之夫Raymond，仲被指做埋第四者，但其實件事究竟係點？

原來件事係咁嘅，姚子羚承認同鄭子邦分咗手之後，同Raymond拍拖一段時間，兩人交往前，男方話已經同前妻已經分居咗兩年，兩人係由朋友介紹識，亦都識得對方前妻，而前妻都知佢哋拍拖。

子羚覺得唔存在搶人老公嘅說法，又指可以問番當事人，大家都知發生咩事。子羚同Raymond拍拖半年後就分手，依家變番朋友關係。