影咗床照都唔知!姚子羚:惊讶点解会流出

20190519
东网电视
更多新闻短片
姚子羚话影咗床照都唔知!
艺人姚子羚卷入四角恋,佢下午六时四十五分左右现身电视城,为事件解画!
戴住帽嘅姚子羚一现身,即时引起哄动,有传媒仲跌烂相机!佢话:“我想讲,我同Raymond一齐时,佢同Sarika(蔡宛珊)已经分开咗。我同Sarika都认识,Sarika都知我哋拍拖。”佢指依家同Raymond分咗手,做番普通朋友,但就冇讲拍咗几耐拖,同埋几时甩拖。问到有冇介入人哋婚姻?佢话:“头先都讲咗,佢哋分开咗先一齐。(分手几耐?)唔想多讲。(有冇谂过啲相点流出嚟?有冇怀疑?)有,但依家唔想去深究啲相点流出,觉得好惊讶,点解两个人咁亲密照片会流出嚟。(啲相几多人拥有?)唔应该问我,某啲相我都有。(床照影咗都唔知?)唔知。(应该得一个人有?)如果有过分嘅事,我都会同公司讲。”
问觉唔觉得遇人不淑同埋有冇好嬲?佢话:“未有时间去嬲!(有冇更激照片、短片?)我唔知。我想澄清番,我同Raymond一齐时,佢已经单身。”事件过后,佢都话有同Raymond联络,又指自己系一个对感情好认真嘅女仔:“我对感情好认真,希望关系好简单!”
讲到拍紧剧集《唐人街》嘅佢,工作有冇受影响时,佢话一切正常:“做番演员本分,冇收通知,拍好套剧!”而子羚全程保持微笑,又不时双手合十,受访后佢就匆匆赶去开工。