睇到爆粗！《權力遊戲》大結局粉絲邊睇邊鬧

《權力遊戲》（Game of Thrones）最後一季開播以來一直遭粉絲劣評，到播最後一集情況亦未見好轉，同樣被粉絲洗版式狂插！

有網上論壇開谷俾粉絲邊睇結局邊吹水，論壇變祭壇，眾粉絲邊睇邊爆粗結局情節「揸流攤」！有粉絲留言話：「謝天謝地！終於完咗，依家唔使再睇！」亦有粉絲話自己決定熄機唔再追。亦有唔少粉絲留言話係史上最差大結局。亦有粉絲嬲到爆粗話個大結局失禮人。更有粉絲直斥今集最差過美劇《迷》（Lost）的災難式結局！

不過兩位創作人David Benioff與D. B. Weiss懶理批評，David說：「我們會在一個秘密地方，熄電話，開幾支酒飲。到某一個時間，當我們可以安全再出來就會現身。我們計劃會非常非常醉，亦會離互聯網好遠。」擺明知道套劇一定會「爛尾」！