冧讚太太唔易呷醋！周柏豪：佢知自己擁有咩

歌手周柏豪今日出席健康食品活動，席間挑戰玩健身單車及送花給Fans，適逢「520」大日子，柏豪冧笑透露有特別預備另一份禮物給太太 ：「佢唔係一個易呷醋嘅人，因為佢知道自己擁有咗啲咩，哈哈！其實所有節日我都唔係咁識做，但佢好好唔會介意。（最識做係邊個節日？）太太生日最記得，公司仲會幫我Mark低放假。（點慶祝？）都係食飯，時間對我哋兩個嚟講係最重要，有時要出騷做嘢會幾個星期都見唔到。但我生日就冇乜點慶祝，番茄同藜麥就係我嘅蛋糕，屋企人開心我就開心。」

慣咗戒口冇感覺

講到6月將開騷，柏豪表示正積極籌備：「戒緊口，Keep住冇乜油、鹽、糖嘅餐單，食咗幾年都冇乜感覺，偶爾會掛住Pizza，但依家慣咗冇感覺。新嘅巡迴演唱會年底再喺內地開始。（尾站香港？）未知，計劃中，一直做Gym保持體能，開騷要消耗嘅體力係比運動多，每次上台都好自信，一落台就好攰。」