出「蕉」冧粉絲！馮盈盈街市撻朵冇價講

東網電視

大家快啲去片！

東網巨星重量級節目《我和星星有個約會》最新一集有網友至愛嘅「敢言女神」馮盈盈（FYY）！大家都玩過IQ題：「黃太教整蓮蓉包、『清浸磨』就教叉燒包」，咁營養學出身嘅FYY又教啲咩？！登登登櫈！係健康又好味嘅「無麵粉班戟」呀！

今次FYY聯同兩位Fans Freeman同阿彭一齊整Cake，事前親身去街市買食材，一向口齒伶俐嘅FYY出盡牙力講價，買雞蛋對住街市阿哥放電又死?，最終成功平咗……四毫子！好波！買蕉嗰陣FYY繼續發功，仲撻朵話自己係2016年港姐冠軍，可惜街市阿姐企硬冇面畀，港姐冠軍都講價失敗！慘慘豬！

之後FYY聯同兩位Fans去到Party Room，口水多過浪花嘅FYY繼續冇停過口，整Cake過程相當歡樂！想知佢哋當日有咩事發生，咁就快啲去片啦！

on.cc東網