漆黑中嘅螢火蟲！周董突襲大學打波「收?」

台灣天王周杰倫（周董）出名鍾意打籃球，仲不時落街場打波，尋晚佢同一班波友就突襲台北嘅師範大學球場，即時引起大家注意，圍埋睇佢打波，仿如表演賽！由於學校球場已經閂晒燈，一班粉絲就用手機電筒為佢打燈，周董就好似漆黑中嘅螢火蟲一樣，似足開騷！

周董喺Instagram上載片段，留言：「球場燈關了謝謝你們用手機照亮球場 心很暖 #趕快回家 #別等了 #等你下課 哈哈」而佢離開時經過附近嘅夜市，一大班粉絲仲「護駕」好似啲「?」咁跟住佢，場面勁誇張！

周董仲好親民同粉絲合照，不過就叫大家唔好跟住佢喇：「下次乖乖聽話　別跟　我請你們吃東西」網民都話好羨慕：「太扯了，我還以為演唱會」、「還好是晚上去，不然沒人想上課啦」仲紛紛叫佢去第二間大學，啲燈會為佢而開咁話！而期間仲發生小插曲，佢朋友唔小心跌咗銀包，不過最後竟然有人執到畀番佢，真係抵周董咁錫大家啦！