同老公造人生第四胎？曹敏莉晒水着若隱若現

前港姐冠軍曹敏莉（Mandy）最近撇低三個仔女，同金融才俊老公張家傑（Jacky）去咗旅行過二人世界，原來此行係為老公慶祝生日！Mandy喺社交網上載合照，多謝老公令佢每日都笑，冇男人可以再比佢老公更好，希望可以一齊變老，共同探索更多嘅地方！

而Mandy連日都大晒靚相，佢仲着上低胸泳衣半浸於水中，若隱若現，笑言老公啲影相技術改善咗！佢又曬太陽自拍影長腿，仲同老公踩單車，幾咁寫意，不過佢都冇忘記幾個細路：「快樂時間過得特別快。今天真的過得很輕鬆很自在~當然也掛住家中的三個寶貝。」網民都大讚佢生咗三個都咁Fit同靚，好有港姐嘅氣質，仲有網民問佢係咪諗住造人生第四胎呀！