老公想追多個　Rosemary閂閘：啱啱瘦番

名模Rosemary穿上bra top性感拋胸，fit爆出席護膚品牌活動，講起八個月大的囝囝，即晒甜蜜冧樣。提到剛度過首個為人母的母親節，她笑說：「非常開心！我哋去咗泰國，同一班朋友慶祝，BB好乖，佢好好湊，又成日笑，飛機度都冇扭計，只係瞓覺，好感恩。」

問到會否追多個？Rosemary即說：「我啱啱先瘦番咋，不過老公好想生，囝囝真sweet。」她又透露兒子很活躍，剛滿8個月，已識得扶住行，亦已開始學講嘢：「佢懂以廣東話說爸爸。（咁你有冇呷醋？）呢個唔計，佢講開英文，佢講daddy先計數。」

此外問到好友樂基兒剛剛生了BB，有沒有去探望對方，她說：「佢之前講咗坐月唔想人去探佢住。（有冇打電話畀你問湊B嘅嘢？）未生前有傾，依家佢有屋企人同陪月幫。」