出埠拍《鐵探》前傳？蔡思貝：我咪冇得撈

藝人蔡思貝與袁偉豪（Ben）晚上現身電視城，出席主演劇集《鐵探》慶功宴。有傳該劇稍後開拍前傳，Ben提議可出埠、以輕鬆喜劇形式延續下去：「齋去得長洲都好，大家好似去旅行咁。」蔡思貝則笑謂：「咁樣我哋咪冇得撈？前傳應該講我同楊明童年時點樣互相扶持、建立感情喎。」

Ben早前極度減磅演出《鐵探》，如今見他精神、體重逐漸恢復，他坦言：「8月拍《使徒行者3》，開始操肌作準備嘞。」蔡思貝則表示剛出埠返港，亦有幸加入《使3》的大家庭，但角色、詳情亦未清楚，只知全劇在港拍攝：「依家我留緊頭髮嘅，到時唔知使唔使再剪短。一直以嚟我嘅髮型都唔係我控制嘅，交畀劇集角色決定，好似之前拍《機場特警》，我就要剷青，今次唔知會唔會再以新形象見觀眾。」