歌迷攬實唔放 林宥嘉賣口乖讚港粉聰明

20190525
東網電視
更多新聞短片
呢位粉絲真幸福。
《林宥嘉 idol 世界巡迴演唱會》舉行頭場,林宥嘉(Yoga)演唱《巨人的肩膊》時,High爆走勻全台,台下Fans亦識做企起身跳舞「回禮」,Yoga兩度走到台邊緊靠觀眾席同Fans近距離接觸握手「派福利」,其中有名男Fans超熱情攬實Yoga唔放手,場面爆笑!就連Yoga都取笑男Fans:「你是男生?我剛才是意思意思(抱),但你也抱得太大力。」全場Fans再次尖叫,搞到Yoga不禁掩雙耳大叫:「等陣等陣等陣,好嘈呀!其實喺香港開騷好好玩,因為可以同觀眾好Close,你哋有有用手機嘅習慣?依家手機有好多功能。」台下Fans即刻好醒目開電話燈,形成一遍燈海,Yoga大笑讚嘆:「其實我淨係問你哋知唔知有個咁嘅功能㗎咋,但你哋好聰明!係咪聽得林宥嘉啲歌多?哈哈!多謝晒!」被升上半空的Yoga彈鋼琴深情唱出《船》。
Encore部分,換上螢光黃色衫配斗蓬的Yoga,一連串獻唱《思凡》、《紀念日》、《誘》及《Runaway Mama》、《感同身受》等,將個唱的氣氛推至最高點,全體齊齊起身跳舞開Party!繼而他邊彈Ukulele邊唱出慢歌《心酸》、《兜圈》等,更全場大合唱經典曲《說謊》。原定只Encore一次,一向錫Fans的Yoga,見Fans的熱情支持,不禁再次走上台二度Encore,最終獻唱他唯一一首廣東歌《壞與更壞》作結。