胡鴻鈞受傷入院 何哲圖:佢要做腦掃描

20190525
東網電視
更多新聞短片
何哲圖話胡鴻鈞要做腦掃描!
藝人胡鴻鈞(Hubert)上周六趕拍無綫劇《降魔的2.0》一場吊威吔場口,從高處墮下撞傷頭部,要留院診治,目前仍在醫院。
其唱片公司老闆何哲圖下午約4時45分離開醫院,他透露Hubert接受過醫生檢查後正慢慢康復。問到有否暈或休克的症狀?何哲圖說:「有少少暈,所以要細心檢查,包括做腦掃描,屋企人都睇住佢。(有冇影響手腳活動能力?)冇,係有啲攰,仲有啲暈,所以醫生想再細心啲檢查。(有冇嘔?)冇,都冇表面傷痕。(幾時出院?)未知,依家好好多,係要瞓覺同休息。」
問到有否追查意外成因及有否影響拍攝進度等問題,他表示要問劇組,而劇集監製亦很關心Hubert情況,至於有否影響其他工作?他表示近月都只安排他專心拍劇。問到是否下封嘴令要封鎖此消息?他說:「唔係,只係想畀佢休息吓。」