【好耐冇見】「順嫂」孖超似樣孫仔歎茶

藝人梁葆貞呢個名大家可能未必記得，但係一講到佢就係飾演《香港八一》系列嘅「牛頭角順嫂」，亦係香港已故演藝名宿、丑生王梁醒波女兒，相信大家嘅記憶都即刻返晒嚟！自從移民咗加拿大後，都好一段時間冇再喺公仔箱入面到佢。

呢日有網友喺溫哥華一間酒樓撞到「順嫂」同屋企人一齊去飲茶，雖然佢已經八十有幾，不過依然行得走得身體好健康，笑容滿面嘅佢身邊有一位年輕人傍實，呢位年輕人個樣同「順嫂」有九成相似，網友透露佢就係「順嫂」個孫仔，佢身形高大樣貌四正，唔知「順嫂」會唔會推薦佢入行去無綫拍劇做演員？