網友爭取成功！梁諾妍晒背變正面亦得

「長腿女模」梁諾妍（Inez）早前一直忙緊裝修新健身室，日前佢嘅「心血結晶」終於誕生，忙完梗係要衝出香港，好好放鬆吓自己！選擇咗去享受陽光與海灘嘅Inez，當然把握機會晒好身材，佢尋日喺社交網分享一張水着相，相中嘅佢着住紅色三點式，雖然只見背部，但吸睛度十足，男友洪永城都即刻讚好，不過唔少網友都留言求正面照！

過咗幾個鐘，睇到網友訴求嘅Inez就再分享靚相，Wide Shot畀大家睇靚景之餘仲正面大騷一對長腿，認真冇得輸！但網友點會咁易收貨，即刻又有人留言問有冇Close Up！唔知Inez會唔會繼續滿足網友要求呢？