膝關節受傷唔打得網球　李思雅出海衝浪

藝人李思雅打網球、高爾夫球出色之外，原來玩埋Wakesurf（滑浪）都好掂，仲曬得一身古銅色肌膚，她表示因最近經常出海玩Wakesurf曬到成身黑晒：「我都係上年先學，好好玩呀！依家夏天嘛，都好流行，因為我膝頭哥傷咗，可能要做手術，所以打唔到網球，剩係網球唔玩得，可能打時經常要坐低又起身，膝頭負荷太多，其他嘢反而玩到，我都要去照磁力共振，醫生話如果個半月板（膝關節中具緩衝作用的一個彎月狀小軟骨）有事，要做微創手術。」思雅現時都有拍攝無綫劇集，之後會為龍舟節目擔任主持。