又嚟二次創作!黃建東惡搞陳偉霆英文廣告

2019年05月29日 13:04
東網電視
更多新聞短片
黃建東終於再拍片喇!

曾二次創作日本洗腦歌《PPAP》廣東話粗口諧音版而人氣急升嘅藝人黃建東又有新搞作,今次佢惡搞陳偉霆(William)嘅英文廣告,William喺廣告中大晒流利英文,有網民就大讚佢So Charming,亦有網民話佢發音好港式,但廣告最緊要有noise呢樣嘢William絕到做得到!而黃建東都吼中呢樣嘢整個二次創作,佢都係模仿William用英文講入行經過,不過就專登玩嘢,入面出現「I ding my lunch box(我叮飯盒)」、「goo ma(姑媽)」、「yum cha(飲茶)」等港式英文,講到發音絕對難唔到黃建東,因為佢曾經留學美國,唔中唔西嘅英文,網民睇完都覺得好好笑大讚「好正,真係好鍾意你啲二次創作!比原創更吸引」、「笑爆」、「我無限Loop 呀衰鬼xdd」。

黃建東接受東網電話訪問,話對上一次拍片已經兩年前,他說:「自己都想轉型做演員,但發覺機會唔多,其實呢兩年王祖藍同王君馨等人都有叫我拍番片,話自己嘅片先係最有價值,而又見到陳偉霆呢條片幾搞笑同簡單,所以就搞二次創作。」