好有意義!馮允謙新歌教人愛要及時

20190529
東網電視
更多新聞短片
馮允謙為新歌《山旮旯》拍攝MV。
唱作人馮允謙(Jay)新歌《山旮旯》MV,承接上一首作品《聲音導航》以旅遊比喻人生,飾演旅行社老闆的他,上次遇到一對窮遊小情侶,今次新歌《山旯旮》MV,有一位伯伯找上門,他為履行與已離去伴侶的承諾,決定一人遊不丹,寓意愛要及時。
Jay坦言最初聽到歌名《山旮旯》時「R」爆頭,他笑說:「太繞口啦,我讀咗好多次先至啱,不過當我明白呢個歌名係比喻一個遙遠的理想,甚至未必得到其他人認同嘅夢想,唔可以因為困難就諸多藉口去放棄。」就好似「山旮旯」一樣好刁轉,不過夢想成真的時候的確令人振奮。原來Jay最初接到新歌時很開心和興奮,因為這是他的夢想班底,他說:「好開心新歌班底陣容強勁,周錫漢亦都係上次《聲音導航》監製之一,王菀之係我好喜愛嘅唱作人,佢所有作品我都有好好欣賞,好鍾意佢嘅歌。而黃偉文大師級嘅歌詞,我一直都希望唱到佢寫嘅詞。今次呢個班底好正,係我嘅夢想。」
新歌MV中,Jay幫助伯伯履行亡妻的旅行夢,原來不丹就是他心目中的山旮旯旅行計劃目的地,他說:「我希望完成今年出唱片嘅project之後,明年可以去不丹旅行,帶埋《山旮旯》去歌詞提到嘅不丹,一個曾經被譽為全世界最快樂嘅國家,我想去感受一下,仲希望喺當地創作新歌添!」