聞「舊愛」有意封盤　麥明詩冷淡：冇乜聯絡

何浩文（Dominic）與「十優港姐」麥明詩於2016年合作劇集《賭城群英會》傳緋聞，當時有傳麥明詩與林作剛分手，Dominic期望趁感情空檔乘虛而入，劇中兩人更有咀戲奉旨親熱。Dominic曾在訪問中直認對麥明詩有好感，緋聞似層層，但原來只是「煲冇米粥」，他未幾就宣布與空姐新歡拍拖。

對於何浩文有意與女友拉埋天窗，昨日身在荷蘭為無綫拍攝節目《荷蘭好玩》的麥明詩冷淡回應：「我哋冇乜聯絡，唔係好清楚。」問到可會恭喜對方？她說：「真係冇乜聯絡，只係間中喺公司見到，如果見到就恭喜佢啦！」