男友腳踏幾船　譚嘉儀對愛情失信心

歌手譚嘉儀到電台宣傳新歌《怎麼你不找我》，坦言新歌是自己以前的經歷：「當時男朋友同時有幾個女仔，畀我知道嘅都有兩個，所以都唔知其實佢有幾多個，之後佢仲要冇解釋就消失咗，鬧都冇得鬧，唔知點解可以咁，一句問候都冇。」問到可有對此事耿耿於懷？她表示：「又冇，但上咗一課，下次會再好好了解對方先，起碼都識吓佢嘅朋友，知道佢嘅為人，最少都要半年至一年先可以開始，呢個識咗兩、三個月就一齊。」

她坦言這個情傷當時令她對愛情失去信心，要過了大半年才能平復，問到現時可有遇到愛情給她信心的人？她笑言未有：「但有信心呢個人會出現，其實依家都好享受一個人生活，我會自己旅行、行山，都真係好毒，不過冇人陪到我嘅話都冇辦法，我又唔想亂咁識人。」另外，問到可有問候早前因拍《降魔的2.0》吊威吔墮地撞傷頭的胡鴻鈞？她表示：「我一知消息就打電話問候佢，好驚訝同擔心佢，佢冇乜事，佢出咗院之後會見面。」她亦謂都有份拍此劇，但已拍完她的部分，知道對方還有少少未拍。