【最期待畫面】漢洋孖小雪合唱經典金曲

20190601
東網電視
更多新聞短片
經典嘅合唱歌!
完成首場演唱會的漢洋騷後大方跟家姐、哥哥及一對仔女合照,之後再與小雪一同受訪,講到他秘密榮升人夫兼人父,他笑言忘記結婚幾多年,而太太就繼續保持神秘沒有現身:「好細個就一齊,個女15歲、個仔10歲。(點解咁收收埋埋?)覺得係私人問題,唔係咁想講,亦冇需要講,自己又唔係當紅歌手。(但之前咁多緋聞都唔用結咗婚澄清?)唔使㗎,一齊唱親就當係(女朋友),細個又唔想煩。(太太唔會唔開心?)從來都冇,細細個就識,知我係咩人。」
老婆堅持低調唔見人
問到身邊可有朋友得悉已婚消息?漢洋坦言只得小雪及譚嘉荃(Amy):「我對仔女同小雪對仔女差唔多年紀,我哋嘅下一代好夾。」續笑話難得開30周年演唱會,故揀選首場騷自爆:「依家唔講幾時講?(仔女會捧足3場?)淨係會嚟一日,因為佢哋要考試。(之後兩場太太代替?)唔會,佢唔想曝光後唔方便。(小雪見過太太?)得Amy見過。」講到囝囝Hin Hin於台上表現淡定,問到之後可會合唱出歌?漢洋斬釘截鐵表示不會:「佢哋都唔鍾意做呢行,今次都係貪玩問佢上唔上台唱歌,佢話好,之後就各自練歌。」
囡囡唔喺身邊小雪爆喊
至於問到小雪跟漢洋重聚合唱經典曲《其實我介意》心情如何?她透露有意繼續發展歌唱事業:「今次返香港係最長時間兩個星期,十幾年都未試過一個人返香港,一落機返到酒店唔慣冇咗個女喺身邊忍唔住喊,又瞓唔到,之後安排咗去錄《流行經典50年》,依家啲仔女大個咗輕鬆啲,冇以前咁辛苦。」