郎朗宣布婚訊　娶24歲德韓混血兒

36歲國際知名中國鋼琴家郎朗今日喺微博上載多張婚照，宣布同另一半Gina Alice嘅婚訊，佢仲將Gina Alice繹成中文發音，留言向太太示愛：「我找到我的愛麗絲啦 她是吉娜 愛麗絲 ​​​​」網民紛紛留言送上祝福。

從婚照見到兩人遠赴法國巴黎取景，新娘子以低胸婚紗上陣，顯得明艷照人，二人又雙手交疊喺鋼琴嘅琴鍵上影相，可以話係別具意義。據知，郎朗同新娘子Gina Alice幾年前喺德國柏林相識，而今年24歲嘅Gina Alice係德韓混血兒，貌似新疆靚女古力娜扎，畢業於漢堡音樂戲劇學院，同郎朗有好多共同話題，絕對係一拍即合！據悉，婚禮儀式將會喺法國某酒店舉行，而郎朗會喺法國凡爾賽宮舉辦婚禮晚宴。

下午的儀式約邀請100名親友出席，台灣藝人周杰倫與太太昆凌都有出席。儀式開始，一對新人在神父見證下說出誓詞，郎朗說：「今天是我最高興的一天，我會愛吉娜一直到我生命最後一天。」之後一對新人深情擁吻。而愛麗絲以普通話向郎朗的父母說：「親愛的爸爸媽媽，我想感謝你們，將世上最好的人郎朗帶到世上，我向你們保證，我將盡我最大的努力去支持他的家庭，愛這個家。」