【家有B事】趙哲妤出絕招保護小魚

東網巨星節目《家有B事》今集邀請到藝人趙哲妤（Uny）做嘉賓，Uny對家居安全意識特別強，從囡囡趙真羽（小魚）半歲開始，已經加設圍欄限制活動空間，又在牆角及床邊加強保護，全方位保護，她說：「限制住佢嘅活動空間，唔使全屋四圍走，只要喺呢個圍欄裏面，唔好放好尖同令佢受傷嘅嘢，咁就安全，圍欄下面會放地墊，無論佢哋點樣跌，只會痛唔會令佢受傷。」

Uny亦喺床邊安裝床欄，令小魚可以瞓得安心佢又放心：「我整咗個床欄，咁可以校高校低， 因為小朋友瞓覺嘅時候會左碌右碌，有個床欄就唔怕碌落床。」因為小魚已經大個，逐步將牆角保護角拆除，她說：「小魚已經兩歲，可以畀佢知道咩叫危險，我哋就拆咗保護角，每次都提點佢唔好整親，佢依家開始明白。」