同翠如備咗案未？蕭正楠陳瀅新劇好多親熱戲

藝人曹永廉、蕭正楠（阿蕭）六月中會跟李佳芯、譚凱琪、陳瀅、楊詩敏等開拍三十集的無綫新劇《愛美麗狂想曲》，此劇乃愛情輕喜劇，主打靚人靚景，而蕭正楠、曹永廉這兩位今次的角色就有新突破，監製羅永賢打趣的謂：「就係佢兩個條件唔好，所以要用啲特別嘅嘢包裝一下，其實我都對佢哋好好，劇中曹永廉同蝦頭（楊詩敏）、朱智賢會有好多床戲，而阿蕭亦會與陳瀅有好多攬錫的親熱戲份。（阿蕭話晒新婚，要向老婆黃翠如備案喎！）得啦！我同翠如備定案咪得囉！」

曹永廉演一夜情Playboy

劇中，曹永廉飾演一名專玩一夜情的男人，先後與蝦頭及朱智賢發展感情，一聽已知是徘徊天堂與地獄。而阿蕭今次飾演有Gag的疑惑的男人，劇中他既姿整又口衰，但亦是一名超級暖男，而阿蕭亦為此角色專登減磅呢！而譚凱琪於劇中飾演一名內地女子，監製表示譚凱琪於劇中的角色會較悲慘，他謂：「總之命運唔好，浪漫之中帶點悲慘，對佢嚟講今次都係一個挑戰嚟！」