「限古令」重來？《九州縹緲錄》被禁播

去年有多套內地古裝劇大受歡迎，例如《延禧攻略》、《如懿傳》等等，不過有指內地認為呢類劇集對社會風氣造成不良影響，所以國家廣播電視總局一度推出多種限制令，包括「限古令」，令唔少劇集受到影響，幸好之後一度宣布解禁。

原定尋晚喺浙江衞視、優酷同騰訊視頻播出嘅古裝電視劇《九州縹緲錄》，由宋祖兒、劉昊然等主演，但驚傳開播前40分鐘被臨時抽起，亦有傳喺臨開播前10分鐘先被禁播，騰訊視頻稍後亦有喺劇集預告片留言區發文宣布：「尊敬的用戶，我們很抱歉地通知，《九州縹緲錄》不能如期播出，敬請諒解」，引發網民議論紛紛，令人猜測「限古令」捲土重來。