三哥率隊爆槍戰 衛詩雅掹槍唔夠陳家樂快

2019年06月04日 22:20
東網電視
更多新聞短片
槍戰爆發連場,氣氛非常緊張!

藝人衛詩雅、陳家樂與苗僑偉(三哥)早前合作拍攝寰宇電影《掃毒2:天地對決》,三人飾演警務人員,而詩雅與家樂是三哥的下屬,當中不乏刺激槍戰場面。其中一幕三哥率詩雅及家樂等人深入虎穴,爆發連場槍戰,氣氛緊張,他們入到屋內發現背脊插滿針筒的喬寶寶。鏡頭前大家表現認真,不過鏡頭後詩雅與家樂玩鬥快掹槍,但詩雅明顯慢半拍有多,非常搞笑。

經常飾演警務人員的三哥笑問兩人覺得他的表現如何?他們都大讚對方好嘢及好勁,三哥就反讚兩人:「你兩個梗係勁,一個靚仔,一個係小辣椒,咪睇佢(衛詩雅)細細粒,唔係講笑,好狠!」

對於被三哥封為「小辣椒」,詩雅坦言大感開心:「因為佢睇到我好辣嘅一面,我之前拍戲都比較斯文,今次係幾好嘅嘗試,畀到呢個印象佢都係成功。至於家樂當然靚仔,全香港都覺得佢靚仔,係男神。」她又指跟三哥合作獲益良多,因為她與家樂都甚少拍動作戲,三哥就成為兩人的模仿對象:「三哥每個開槍動作都好有型、好靈活,有一樣佢好犀利,好多時候我哋開槍會眨眼,但三哥唔會,佢好定,呢樣要向佢學習,動作方面佢好有型,每次到佢拍嘅時候,我哋都會衝埋個Mon去睇。」