7月教會行禮 李璧琦唔畀老公睇婚紗

20190605
東網電視
更多新聞短片
保持神秘呀!
藝人李璧琦(Becky)上月宣布將與拍拖5年的跨國企業才俊男友Adrian於7月拉埋天窗,早前已在日本沖繩拍攝婚照,Sweet到爆!
Becky出席周年晚宴,透露7月會在教會行禮,並跟外國做法,事前不讓未婚夫看婚紗款式,她說:「一世人一次,想畀surprise佢!(會性感啲定保守啲?)會莊重,尊重番個場合,到夜晚就同屋企人食飯,唔會太鋪張,但好多嘢都未firm,三月先決定結婚,好多嘢要準備。(到時老公會唔會表演?)我想呀!我有問佢,但佢唔應機,話有就唔驚喜啦!(佢係咪浪漫嘅人?)係老實實際型,我會繼續旁敲側擊佢。(咁你到時上台唱歌?)都係好提議,但仲未諗。」
此外,二人的擬結婚通知書曝光,報稱相同住址,問是否已同居?Becky說:「唔係,係我哋將來嘅地址,依家裝修中,希望盡快雙喜臨門,我意思係結婚加新居入伙!(幾時生小朋友?)未諗,一步一步嚟。(有冇共識?)張帖咩色都係啱啱先有共識咋!」