就出慘情合唱歌　何婉盈預告一年內開騷

歌手何婉盈、胡渭康、黎明詩及陸家俊晚上到尖沙咀出席電影首映，何婉盈透露最近頻頻有歌唱工作，七月會擔任演唱會嘉賓，之後亦會做群星騷，問到會否開個人騷？她說：「我有咁意思，籌備中，但唔想開空頭支票，希望係一年內。（出新歌？）一定要有！最近李健達邀請我合唱，有廣東話同國語版。（有冇信心好似當年同曾航生首《再見亦是朋友》咁Hit？）呢首都係差不多，我幾首歌都係傷感，今次都係慘情歌。（有冇開始練歌練氣？）上星期開始上堂跳舞同健身，真係要Keep吓，希望上台可以瘦啲。」她大讚好友胡渭康及曾航生保養得宜，胡渭康更猶如吃了防腐劑一樣，自己都要努力Keep Fit。