【閨蜜睡房】孫耀威自爆同陳美詩分房瞓

20190606
東網電視
更多新聞短片
寧願同貓狗瞓?唔係呀嘛?
歌手孫耀威(Eric)與老婆陳美詩是圈中的模範夫婦,結婚快兩年,經常出雙入對,人前恩愛,但原來人後分房睡多時,他坦言寧願與貓狗同睡。Eric早前應東網巨星節目「海馬牌床褥特約」《閨蜜睡房之Brother來了》邀請,一連三集與主持人俞詠文(Angela)剖白,他與陳美詩對生B計劃隨緣,卻意外地爆出兩人早已分房睡,他解釋:「因為我領養咗四隻貓,仲有隻狗,狗同貓唔可以成日喺埋一齊,所以將貓養喺一間房,狗喺另一間房,為咗要令佢哋有公平對待,我會同老婆分房瞓,我去啲貓度瞓一晚,佢就同隻狗瞓,第二日就調轉,你唔陪佢哋,佢哋好慘㗎!」
生仔唔使太計算
Eric覺得自己是寵物生活的全部,為了寵物獲得他的愛,他認為與老婆分房睡好值得,生仔的機率豈不大大降低?他笑說:「我覺得生仔唔需要太計算,唔需要太多計劃,佢係會自然有機地出現,會有Organic仔。」
在節目中,他分享自己一定要裸睡的習慣,坦承家中會「吊吊揈」,不得了!原來鏡頭前的他斯斯文文,鏡頭後另一個樣,十分Open,尤其到外地,他會隨街唱歌,高談闊論,不修邊幅的孫耀威,你又見過沒有?想知道更多真實的孫耀威,記得本星期五、六、日收睇《閨蜜睡房之Brother來了》孫耀威講孫耀威了!