向鄧麗欣求救！余香凝受虐爛面拍到抑鬱

藝人余香凝與鄧麗欣日前於元朗屏山一所廢校，為新片《殘影空間》開工，晚上氣氛陰森。余香凝在片中因深愛丈夫李任燊，甘願被對方長期精神虐待及毆打，結果患上抑鬱，要向精神科法醫鄧麗欣求救。

化了「爛面妝」的余香凝演得相當投入，尖叫嚎哭，她更表示：「今晚夜啲，仲要浸喺浴缸，展示長期受虐至傷痕纍纍嘅背脊。」問到現實生活中可有遇過類似的「虐戀」，她坦言：「自己未試過，不過身邊朋友有咁嘅經歷。試過半夜三更接到電話，係朋友打嚟求助，佢啱啱被人打完！」

太入戲要旅行散心

她又表示近期已接演3、4部沉重題材的電影：「搞到自己都有啲負能量，開工成日拍喊戲，所以嚟緊完成手頭上工作後，計劃請媽咪同妹妹到希臘旅行放鬆一下。」她笑言媽媽想跟團，但自己想省錢，故決定自行策劃行程：「到時我帶隊囉。（咁慳想置業？）係有咁嘅計劃，都想媽咪安居樂業。」

打爆玻璃橫風橫雨

拍攝當晚本來天晴，但團隊意外打爆玻璃，隨即橫風橫雨，令人不寒而慄。至於女主角鄧麗欣未埋位前，躲在保母車上為角色培養情緒，未有受訪。