黃澤鋒太太考慮剖腹:留多1日都有危險

20190609
東網電視
更多新聞短片
黃澤鋒太太考慮剖腹產子。
藝人黃澤鋒夫婦和林曉峰等,下午現身九龍灣,錄影ViuTV節目《估你唔到》。黃澤鋒太太7月尾臨盆,醫生建議剖腹產子,二人表示稍後再見醫生決定,黃太表示:「醫生話留喺肚裏面多1日(指孕婦年紀問題)都有危險,不過擇日開刀都要同屋企人商量吓。」她透露腹中塊肉已經4磅多:「發育得好好,我自己戒口同少食多餐,因為驚皮膚敏感復發。」黃澤鋒則笑言自己對生產「冇概念」:「所以準備走佬袋都要問佢(太太)。(諗住獎乜畀太太?)我咪獎左自己畀佢囉,我有戶口但係鍾意儲現金多啲,總之我唔貼第二個,淨係貼我老婆咪得囉。」
他又指黃母以往有幫人照顧小朋友:「所以我會負責餵夜奶,最多都係辛苦三個月啫。」談到早前太太懷孕初期曾被網友咀咒,黃澤鋒顯得相當樂觀:「其實乜都有人講,又有啲網民見到黃翠如結婚,已經咒定人離婚,所以唔需要咁認真,總之乜都有人講。」黃太在旁補充:「我唔係圈中人,所以起初反應都大,但依家會視為一種警惕,佢哋話第時小朋友要照顧番我,但我只要保持健康,就唔需要佢照顧喇!」
---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。