16歲大仔高1米85！林曉峰：佢冇興趣入行

藝人林曉峰與黃澤鋒錄影節目，提到林曉峰大仔已經16歲，身高6呎1（1米85），他坦言仔仔對加入娛樂圈興趣不大：「佢比較想讀心理學，細佬就想玩音樂同做幕後工作。」至於今次主持ViuTV節目《估你唔到》，他謂眼界大開：「好似有1集請咗4位素人媽咪上嚟，其中一位個仔好大個，但佢仍然似好後生，依家啲人保鮮度真係好勁！」

講到黃澤鋒即將做老竇，問林曉峰有否勾起當年做新手爸爸的回憶，他說：「我覺得佢一臉茫然，好似乜嘢都唔知咁。我覺得做爸爸最緊要大膽，正如醫生曾經同我講，嬰兒其實唔係咁脆弱嘅。好記得自己第一次同大仔沖涼，可能內心好緊張，但表面好鎮定，終於成功咗。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。