【尋親之名】張頴康發放正能量:我冇事!

2019年06月11日 09:48
東網電視
更多新聞短片
加油!加油!

藝人張頴康早前在無綫節目《如果這樣生活》中透露自己為尋親而唔肯改藝名,堅持用原名等待母親再次出現,更悲從中來流下男兒淚,感人至深,節目出街後即引嚟極大回響,市民紛紛留言鼓勵張頴康走出傷痛,並祝賀早日尋回摰親。

事隔4日,張頴康終於現身社交網,晒出與愛子嘅溫馨合照,分享同阿仔嘅親子時光,佢仲同大家「報平安」,表示自己已經冇事,收到晒大家嘅祝福,更會繼續發放正能量去照顧家庭等,心情平復好晒繼續工作:「每當我好想喺梳化休息一陣嘅時候,都會有位先生當我係梳化咁瞓上嚟,仲要笑得咁得戚添!算!係我欠咗你嘅!大家放心,我冇事!你哋嘅祝福我收到哂!我會繼續正能量去照顧我嘅家庭同做好我嘅工作!多謝哂大家!」而佢個Post下面嘅留言亦全部都係鼓勵字句,同樣都係滿滿嘅正能量!


---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。