章子怡收埋佗B終見肚　仍不敵汪峰晒肉腩

國際影星章子怡自四月被爆出「造人」成功，為丈夫汪峰佗緊第二胎，上個月去完法國舉行的康城電影節，就正式停工等生。咁之前佢去到康城就算行紅地氈，一襲透視晚裝長裙上陣都遮到肚，佢嘅掩眼法確係厲害，而佢同汪峰慶祝結婚四周年時，連自拍都係僅影到上半身，真係收收埋埋佗B，不容有失。

咁啱近日有大陸傳媒遇到章子怡出巡，佢同老公、囡囡「醒醒」一家三口出街街，汪峰全程傍實老婆，身穿鬆身白Tee嘅章子怡終於都見肚，腹部明顯隆起，不過最搶眼嘅卻係身旁着緊身衫嘅汪峰，佢嘅肉腩凸出，大殺風景，更有網友笑指佢個腩仲明顯過章子怡嘅孕肚添，而囡囡醒醒就喺二人身後自己行，不過就唔小心跌親，好在佢都好叻女冇扭計，爬番起身就自己繼續蹦蹦跳，真係好乖啵！

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。