王牌節目關咪!《流行經典50年》7月收檔

2019年06月14日 00:01
東網電視
更多新聞短片
變成集體回憶!

無綫由薛家燕及黎小田主持的音樂節目《流行經典50年》,收視一直高開,期間更高達27點近170多萬觀眾捧場!不過節目播至7月14日便正式謝幕,將變成集體回憶!薛家燕、陳敏之大嘆可惜!

《流行經典50年》於2017年推出,節目有不少昔日唱家班亮相,一批已「消失」的歌手重現,如49歲的蔡興麟、50歲的黃翊、54歲黃寶欣和47歲的湯寶如等,他們重踏舞台再唱金曲,喚回不少觀眾的回憶,並掀起懷舊熱潮,同時造就這班歌手翻生,有機會再開演唱會搵番筆!連分別擔任不同階段的主持,如薛家燕、陳敏之、曹永廉和胡諾言等,商演及歌唱工作接個不停,薛家燕的廣告和巡唱,令她賺到盆滿缽滿!

兩大靈魂主持退下火線

節目即將完結,為播足兩年的《流行經典50年》擔任音樂總監兼主持的黎小田,最近因肺炎元氣大傷,為了調理身體而忍痛辭演他最喜愛的音樂節目;而薛家燕因要應付下月的巡演向公司請辭。兩位靈魂主持各有不同原因退下火線,無綫體諒到二人的體力問題,原想延續經典,最後決定見好就收!據知,節目定於7月3日最後錄影,而最後一集的播映日期為7月14日,共87集的《流行經典》將畫上圓滿句號。

72歲的黎小田月前患上肺炎入院,現在家休養,就辭演一事,昨日他以短訊回覆:「公司個錄影廠太凍,我患上肺炎,現已好好多,要多休息。都成個月了,冇乜人知我病,有人照顧我,放心!(因養病而辭演,可惜?)同家燕合作好開心,之後加入阿曹(曹永廉)同阿湯(湯寶如)更豐富,TVB今次畀我用十人樂隊,一日練習、一日錄影,音樂好,所以好多歌手都喜歡上這節目,唱得好,又放上社交平台,可惜我太累了,做到病,但若果可以在家作吓曲、編吓曲,之後錄音,冇時間限制,會冇咁大壓力!」

陳敏之胡諾言商演好執

薛家燕接受東網訪問時表示,知道黎小田因肺炎而辭演一事,亦知他最近身體不大好:「最初佢應承我做八集,點知一做就兩年,今次佢肺炎,要抖吓。其實我都攰,除咗做電台、學校外仲要每星期做《流行》,遲啲我要巡唱,就同公司講要停吓。(可惜?)係好難得,70年代我同小田合作《家燕與小田》都做咗4年,今次做咗兩年,個節目喺東南亞都好多人睇,我接咗好多場騷,係唔捨得!」

至於陳敏之、胡諾言分別擔任主持約兩年及一年時間,敏之受訪時承認節目錄至7月初,大感不捨:「希望之後會再開啦!好多歌手透過節目令觀眾重溫金曲,不過最緊要係黎小田身體健康。」而她最開心的是因為節目多了很多登台及廣告工作。胡諾言則說這個節目給予他一個平台,由演員做番歌手:「個滿足感好難用錢去衡量,同埋真係多咗好多登台,美、加都有,仲傾緊一啲商演。」

---------------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。