30岁先发围？裕美一世符碌杀入韩国市场

因一次机缘巧合，30岁“熟女”裕美突然多了班韩国拥趸，更想不到能冲出香港，有机会开拓首尔市场，她觉得人生充满奇迹。<br/><br/>艺人裕美因一次在香港街头巧遇，被韩国人气KOL Hong捕获，问她可否推介香港美食，当时一段四分钟的直播片，令她受到韩国粉丝关注，连带其社交网追踪人数突然飙升，她笑说：“30岁人先走嚟有韩国粉丝。”徇众要求下，Hong之前再度来港跟她连玩五日直播，由她带路四围觅食，她笑说：“其实我好紧张，因为我唔识好似导游带领住人，佢话唔使紧张，粉丝都系想睇吓我哋倾偈了解我多啲，我特登订埋录音室同佢一齐跳舞唱歌，因为佢以前都系歌手，不过依家全职做KOL。”<br/><br/>日日私讯倾偈<br/><br/>礼尚往来，五月初她应邀飞到首尔跟Hong玩Live，对于有机会到韩国发展，她说：“顺其自然，真系冇谂，其实有机会做一件咁嘅事已经觉得系奇迹，我都愕然，人生有呢啲都无憾，韩国啲组合、男团几细个，估唔到佢哋对30岁女人都OK，佢哋日日私讯同我倾偈，我好感谢。”<br/><br/>韩国粉丝对她非常热情，更订制巨型花牌欢迎她，她笑说：“个花牌有少少似送殡嗰啲，但系好彩色，可能系文化唔同，系好可爱。佢哋甚至话帮我安排住宿，仲有队Band透过Hong话想搵我一齐合作，到时会安排保母车接我去倾，唔知成唔成事，但觉得件事好奇妙。”<br/><br/>“可能觉得我癫癫哋”<br/><br/>她自嘲人生好多符碌，但觉得毋须计划太多，她说：“可能去完首尔后冇下文，但至少系新尝试同体验，我觉得几特别，Hong主要拍旅游片，佢话同我一齐玩直播几开心，可能觉得我都癫癫哋，我觉得做咩都唔好怕，首先要勇敢试咗先。”她大赞对方好绅士、好识得照顾人，她全程以英语、普通话沟通，再由Hong代为翻译，最搞笑直播时她说出一些男团、热播剧的名字，却被对方取笑她“旧代”，她笑说：“即系话我Outdated（过时），我成日同佢讲我系乡村姑娘，佢唔信之嘛！”<br/><br/>场地：YAKINIKU MORE<br/><br/>---------------<br/>立即参加“赏您睇”： http://bit.ly/2JWKULh <br/>Click下面粒掣，储on.cc coins！机票、家电、超市礼券、过万份奖品等紧你。