曹敏寶誕8磅慈姑椗：老公感動到喊

前港姐冠軍曹敏莉胞妹曹敏寶（Abo），下嫁科學家林潤生後努力造人，更於去年年底宣布佗B仔。今日佢喺社交網布喜訊，宣布喺6月11日誕慈姑椗，並上載一張瞓喺為床上同BB嘅合照，見Abo精神唔錯，仲透露B仔叫Darius，她留言：「Finally you are here with us Darius，Our Precious Boy.（Darius，你終於來臨這世界，我們珍貴的寶寶。）」

Abo接受東網訪問，她表示今次是順產：「B仔重8磅2安士，（生得好辛苦？）今日已經係生完第四日，所以都有番啲中氣。生仔過程好辛苦，辛苦到唔知點形容。由入院到生足足24個鐘，非常非常之痛，老公仲感動到喊！因為BB個頭好大，醫生都叫我哋考慮開刀，但係自己都堅持順產，想試吓順產嘅滋味。新手媽媽當然好感動，自己一向感性，見到BB喊，可能條件反射，自己眼淚就自然流，哈哈，終於明白做媽媽有幾偉大。依家有陪月幫手，老公、家姐曹敏莉當然有幫手，成家人都好照顧我。」

---------------

立即參加「賞您睇」：http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。