第三次「過檔」！森美爆電台有秘密通道

DJ森美出席由另一電台舉行的捐血活動，講到他「過檔」，他表示是第三次來這電台：「原來呢兩個電台地牢有條秘密通道相連，因為呢度以前兩棟大廈係同一棟，我淨係喺我哋嗰邊望過去，未試過喺呢度望返過去，陣間試吓先。」

講到捐血，他透露原來媽媽生他是流血不止：「要輸血，所以我先可以安全出世，如果唔係都未必喺呢度，所以捐血好緊要，幫到自己又幫到人，每年新年蘇民峰都同大家講要捐血化血光，其實捐血對生活、健康都好，但我呢個星期病咗就捐唔到。」他又透露等到仔女16歲、又夠90磅就會帶他們去捐血：「等佢哋捐出第一滴血，作為父母都好想見證仔女嘅第一次，例如第一次踩單車、游水等，捐血都係好好嘅親子活動。」

---------------

立即參加「賞您睇」： http://bit.ly/2JWKULh

Click下面粒掣，儲on.cc coins！機票、家電、超市禮券、過萬份獎品等緊你。