小S四十一歲生日　愛女窩心送祝福

台灣女星徐熙娣（小S）尋日41歲生日，同佢超好感情嘅家姐徐熙媛（大S）就率先喺凌晨12點左右，透過社交網送上生日祝福。而小S嘅囡囡都非常有心，大女Elly及二女Lily晒出多張舊合照，其中Elly指對媽媽嘅愛永遠不變，並笑言：「我一定會盡量不要那麼欠揍」，至於Lily就大讚小S係史上最正嘅媽媽：「親愛的媽媽，謝謝您無數歲月的愛我，媽媽你就像是個蠟燭，點燃了我心中的希望，祝你健康平安，謝謝您的一切，生日快樂史上最棒的媽媽！」兩個女起勢賣口乖，相信小S一定冧到爆。