「嫁」到新疆！陳貝兒開工過40歲生日

藝人陳貝兒嘅節目《嫁到這世界邊端》大受歡迎，依家佢忙住拍第三輯。尋日佢開住工過40歲生日，佢喺IG晒相多謝大家送祝賀，見佢着住民族服裝，原來佢去咗新疆嘅布爾津阿勒泰度開工，佢留言：「今年生日喺布爾津阿勒泰工作中度過。平安是福、平靜是福。多謝大家嘅生日祝福。」佢個樣本身有啲異國色彩，換上新疆服裝，真係非常適合佢！