獲彭于晏關心!陳家樂感動:要克服恐懼

2019年06月15日 19:57
東網電視
更多新聞短片
陳家樂話彭于晏成日關心佢。

英皇電影《緊急救援》以壓軸姿態亮相上海電影節開幕紅地氈,英皇集團主席楊受成、導演林超賢、監製梁鳳英、主演彭于晏、王彥霖、辛芷蕾、王雨甜、徐洋、陳家樂、李岷城等強勢登場,現場給予熱烈喝采聲!戲中唯一女將辛芷蕾以黃色晚裝裙現身,但內裏卻加了一條緊身褲,非常獨特。

難得有機會與演員們再度合體,陳家樂顯得相當興奮,他說:「拍完之後一直冇同導演、一班演員相聚,難得有機會都有傾吓,Eddie(彭于晏)好忙,拍完《緊》片後即刻開另一部戲,今次雖然係嚟工作,但好似放咗幾日假。」談到與Eddie曾於《破風》合作期間,自己嚴重受傷,對方一直很關心他,今次再次合作,Eddie也很擔心他再有意外,拍攝每一天也關心他,令家樂非常感動,他說:「佢真係對我好似好朋友咁,今次好在冇受傷,劇組安全裝備做得好好,每日都要搽防火漿,身體受到足夠保護,當猛火撲面時,要克服恐懼感。」

對於該片預告片曝光,家樂認為效果極為震撼:「我嘅戲份主要係船上救人,第一次睇到拍出嚟嘅驚險鏡頭,效果好好,真係好開心。」不過由於此行時間緊密,沒辦法好好遊覽上海,就連想到街邊檔吃小籠包,最終也是由同事外賣返酒店品嘗。

---------------
立即參加「賞您睇」: http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。